
第一世噶玛巴教言集1KM18རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་ཕག་མོ་ལྷ་ལྔའི་སྐོར་བཞུགས་སོ། །
1-2-165b
༄༅། །རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་ཕག་མོ་ལྷ་ལྔའི་སྐོར་བཞུགས་སོ། །
༄༅། །རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་ཕག་མོ་ལྷ་ལྔའི་སྐོར་བཞུགས་སོ། །ཕག་མོའི་རྒྱ་གཞུང་ངོ་། །རྒྱ་གར་སྐད་དུ། བཛྲ་བ་རཱ་ཧི་སཱ་དྷ་ན་{ནཱ་}[*]མ། བོད་སྐད་དུ། རྡོ་རྗེ་ཕག་མོའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་རྣལ་འབྱོར་མ་ལ་ཕྱག་འཚལ་ལོ། །ལྟེ་བའི་དབུས་སུ་གྲུ་གསུམ་མེའི་དཀྱིལ་འཁོར་ལ། དེའི་དབུས་སུ་པད་མ་དམར་པོ་འདབ་མ་བརྒྱད་པའོ། །དེའི་དབུས་སུ་ཧྲིཿའཇིག་པའི་དུས་ཀྱི་མེ་ལྟ་བུ་གསལ་བ་བཞིན་པའོ༑ ༑དེ་ཡོངས་སུ་གྱུར་པ་ལས། བདག་ཉིད་བཅོམ་ལྡན་འདས་རྡོ་རྗེ་ཕག་མོ་སྐུ་མདོག་དམར་མོ། ཕྱག་གཉིས་མ། གཡས་རྡོ་རྗེ་གྲི་གུག །གཡོན་པས་ཐོད་པ་དང་ཁ་ཊྭཱཾ་གའོ། །ཡི་དྭགས་ཀྱི་གདན་སྟེང་དུ་གཡོན་བརྐྱང་པས་གནས་པའོ། །སྐྲ་ཁམ་པ་གྱེན་དུ་བསྒྲེང་ཞིང་འོད་འཕྲོ་བའོ། །ཐོད་པའི་ཕྲེང་བའི་དབུ་རྒྱན་ཅན། ཞལ་གཅིག་པ་ལ་སྤྱན་གསུམ་པའོ། །དེ་ལྟར་རང་གི་སེམས་བརྟན་ཞིང་བསྒོམ་པར་བྱའོ། །དེ་ཉིད་ཀྱི་རྣལ་འབྱོར་པས་བཟླས་པ་བྱའོ། །ཨོཾ་བཛྲ་བ་རཱ་ཧི་ཨ་བེ་ཤ་ཡ་ཨ་བེ་ཤ་ཡ་ཨ་ཨཱ་སརྦ་ཛཾ་ར་ནི་ཏྲ་སྭཱ་ཧཱ། ཨོཾ་ཧྲི་ཧཱུྃ་ཕཊ་སྭཱ་ཧཱ། དུས་རྟག་ཏུ་བཟླས་པར་བྱའོ། །རྡོ་རྗེ་ཕག་མོ་བདེ་གཤེགས་ཡུམ་ཞེས་པའི་བསྟོད་པ་མདོར་བསྡུས་པ་ཡང་བྱའོ། །མདོར་བསྡུས་པ་རྡོ་རྗེ་ཕག་མོའི་སྒྲུབ་ཐབས་རྫོགས་སོ།། །།


目录
རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་ཕག་མོ་ལྷ་ལྔའི་སྐོར་བཞུགས་སོ། །